喺呢個世代學人講理想好似好stupid係咪呀?
喺呢個世代人人炒股、炒樓、炒舖搵到錢就係成功，係咪呀?
當我哋話自己唔係做歷奇，係做教育講到幾有使命感幾咁偉大，係咪好癡線？
當我哋課程既收費對大家來說是偏高，但我們依然相信教育是極具價值，
而非廉價，但我哋絕對唔係話要搵好多錢好多錢既一群，
錢對我們來說就只是資源而已，因為一個事實係最後你幾俾心機搵幾多錢，
下場都會係「人在天堂，錢在銀行」
留意返，我哋係有使命感但唔會覺得自己好偉大，唔係企喺道德高地一心諗住做救世主，做教育既我哋只係想糾正一啲嘢 - 無錯！係教育制度。
你、我、他/她，大家都係接受過香港既教育， 印象大家都好一致 四埲牆、一塊黑板、投影機、好多張枱、好多張櫈，大家對返學係咪都係同一個畫面？
YES！GREAT，無錯！正正因為場地性既一致，大家既思想、行為、想法唔係一致都好接近，呢個就係「填鴨式教育」既成功之處，係呀！係成功之處呀，大家無睇錯，從場地設計到教案都係好似做工廠咁做出嚟，而家仲犀利教育局話要老師效忠咩效忠咩，老師為生計照單全收，小編有啲本身喺香港做教育既都移民去其他地方既朋友都反映過：都唔知點教好、唔通明知錯都要教俾小朋友？
我哋既教育喺教育中我哋在乎成長，喺上面我有提過，大家都接受過香港既教育，當時讀起來會有疑問點解學校從來無一個屬於每一位學生既成長檔案，每一次升班班主任就唔同咗、點解成績好既一班就會升上A班繼續同成績好既同學一齊，而成績唔好既同學點解無得同成績好既同學為伍？喺以上既情況，孩子係需要一個陪伴自己成長既導師，呢個身份唔一定係我哋、可以係爸爸媽媽自己本身。
實現教育夢，要時間要資源去做，每一位參加過 THE CEPT 課程既小朋友家長並不是只購買了一個課程咁簡單，而是一項投資、投資咗我哋、投資喺孩子身上，我們期望每一位孩子都有屬於自己既成長檔案 GROWTH FILE，縱使在認受性縱然比不上哈佛大學商學院，都希望孩子長大為成人後都知道自己如何成長的。
教育係人生嘅起點，成長係人生中無時無刻在發生，
教育初衷 ： 薪火相傳、教而無類、效忠於孩子、忠於自己、履行文明社會對我哋既期望，我哋無忘記過。
喺呢度好多謝支持我哋既爸爸媽媽，多謝你睇住孩子成長時都睇住我哋成長。