top of page
搜尋
  • 教無類

困黑房



大家連續過完聖誕同新年既假,唔知大家開唔開心呢?

我哋教育團隊今年既聖誕同新年就繁忙得不可開交,

如果大家有keep住睇我哋既Instagram 既story就知道我哋有幾咁忙了,

對唔住,嗰幾日洗咗幾日板....但亦都要藉住呢個機會去多謝讓孩子參加 WILDKIDs 既每一位家長既支持同埋信任,亦都好抱歉我哋有做得唔好既地方,但我哋會修正同埋做返好,感謝每位家長既包容同體諒,請你哋繼續關注我哋、見證住我哋團隊成長。


好啦!入返正題先,正當大家過緊開心快樂既聖誕假期時,我哋教育團隊繁忙到不可開交,而我哋都好努力為小朋友帶來一個難忘既聖誕夜,每次報名既家長其實都care小朋友有咩玩,其實玩都係其次、我哋既課程除咗安排活動俾小朋友玩外,其實重視既係小朋友喺每一個環節學唔學到技能、無形間訓練佢哋團隊精神、分享,比起玩味其實我哋更重視教育。


除咗以上提及過既元素,仲有一樣我哋導師會做既嘢、外界做歷奇既又或者其他教育機構都唔會做既嘢,就係細化工作,我哋會花時間同小朋友傾計,其實結果得來既係反而作為父母係後知後覺...以下講述既係喺聖誕課程中我哋同一位小朋友中經歷既事,不記名,但實屬真人真事,而我哋知道後都驚訝原來而家從事教育既人係咁㗎?

喺今年既聖誕一個課程裡面有一位小朋友,初初嚟到時會郁手郁腳,佢係有訴求但往往唔會用言語表達,想要某一樣嘢直接搶啦、要佢同其他小朋友合作佢就走去第度又或者郁手郁腳啦,想引人注意就不斷拎自己個頭去撞人啦,導師意識到唔可以俾呢位小朋友咁落去,所以就同呢位小朋友展開咗深情對話。


我哋唔會一開始就鬧,其實鬧、打真係無用,因為只會令負能量累積幫唔到件事仲會令情況變得愈嚟愈壞,我哋了解過小朋友係咪喺學校俾同學仔蝦?小朋友話唔係,了解過小朋友唔係喺學校俾同學仔蝦,反而係俾校長蝦,講到呢度小朋友就喊住話佢俾校長困黑房,然後笑我。


我哋聽到後都好驚訝:吓?而係啲教育係咁㗎?困黑房?仲要笑個小朋友?咁變態?

有問過小朋友有無話俾爸爸媽咪知呀?

小朋友話:無呀,唔知點講呀。

導師就話啦,放心,我哋唔會困你入黑房、Krystal姐姐牛奶哥哥會同其他哥哥姐姐保護你,不過下次記住要啲咩就舉手就可以,唔好撞嚟撞去,其他俾你撞既人會痛㗎,知道嗎?同佢玩鬥快舉手遊戲,玩得投入佢就會鍾意咗舉手,之後既行程呢位小朋友都好乖無再郁手郁腳,仲識到一班朋友仔,可見以遊戲去解決壞習慣總好過無智慧去困佢入黑房,可能出發點係想小朋友學識反思,但其實唔單止令唔到小朋友反思,仲分分鐘對罰佢既人產生仇恨感對自己對小朋友都唔係一件好事。


想小朋友學反思?現實啲講我哋作為成年人都唔係個個識反思啦,有錯仲搵藉口保護自己既過錯添,唔係咁天真覺得小朋友識咁有深度既反思呀?校長,你係咪搞笑呀?

4 次查看

最新文章

查看全部

Hozzászólások


bottom of page