相信好多爸爸媽媽、咁多位朋友都一定有睇過周星馳先生 拍過既電影，由細細個就開始睇，到大個咗都會一睇再睇，小編同你一樣都係睇住周星馳先生既電影長大，仲記得當年周星馳先生被人定位係靠無喱頭笑戲上位。
其實並唔係周星馳先生無喱頭，而係周星馳先生走得太前、只係時代追唔上佢。
周星馳先生透過電影去教育我哋，只不過當年既教育實在太落後，一度誤以為周星馳先生係無喱頭，拍既電影只係好好笑，毫無養份。
到我哋大個啦，有時會拎返周星馳先生既作品嚟睇實在笑唔出，
但每一次睇都會有所得著、每一次都袋到嘢落袋，原因係大家都成長了，唔係因為而家教育先進咗，而大家喺現實世界上生活過，嗰一種城市式體驗教育，學得太多，領略太多，走進周星馳先生既電影世界係你既避風港，回到現實世界確實喺電影世界中拎得走一啲得著，對家庭、對自己人生、對教仔都有益而無害。
周星馳先生透過電影去教育我哋、去感染我哋如何做一個有智慧既人。
小編我好鍾意周星馳既一套電影《長江七號》
有一句對白：「雖然我哋窮，但我哋唔講大話、唔講粗口、唔打交，唔屬於我哋既嘢我哋唔會拎。」
希望每一位小孩都能夠以赤子之心去學習、長大後都可以有一顆赤子之心去面對人生難事、對世界作出貢獻，像周星馳先生一樣，雖然未必會喺電影界發光發亮，但請相信上天早已安排你在世界的位置，只要保持一顆赤子之心，赤子之心不被埋沒，世界一定唔會捨棄你。
コメント