上星期講完打仔，今次不妨講教仔,
小編日常經常經歷到既就係，負責執課程後既相既同事喺執緊相既時候都會唉聲嘆氣😮💨，我都有問過同事係咪好難執？但佢又話唔係，佢話：「唔係難執，只係我諗傳統教育真係出咗好大好大既問題。」
我反問：「做咩事？」🤔🤔🤔
佢開咗一張相出嚟俾我睇，而呢一張相本來係好靚好靚，
小編知道咩問題了，問題係因為一個小朋友既反V手勢，令成張相唔出得街。😩😩
小編終於明點解同事會唉聲嘆氣，感到可惜既並唔係張相出唔出到街、而係傳統教育出現咗好大問題，返到學校除咗學術上既催谷、已經忘記咗教育品格，以前既教育要求係品學兼優、而家就係學優就算，又或者老師見到呢啲反V手勢都唔知係具有比舉中指🖕🏻更有侮辱、 冒犯既意思，甚至見過老師同學生一齊合照都係反V，學余文樂話齋：條友真係唔識㗎噃！😂
有見及此，我哋內部培訓喺教導小朋友方面加入咗要教導小朋友唔好再用反V手勢既課題，
教育唔係好似以前咁講：唔可以做呢個手勢，你再做呢個手勢就點點點，而係同小朋友講道理，呢個係粗口手勢嚟、對人係好唔禮貌㗎！ 淨係我哋教唔夠力量㗎，睇到呢篇文章既家長們，記住！幫幫手，由見到你小朋友開始反V手勢影相起就好搞搞佢啦！💗💗
Comments