top of page
搜尋
  • 教無類

再見 2022👋🏻歡迎,2023!



小編藉著2022年尾聲,

喺呢度代表 THE CEPT 教育團隊 為2022年做個總結。


⭐️ WILDKIDs 孩子成長部落 @wildkids.hk


今年好特別好特別既一年,因為有好多突破,喺課程定位上我哋為 WILDKIDs 定位為孩子成長部落,並設有一條龍成長階段,幫助小朋友一步一步適應大自然並接受體驗式教育,WILDKIDs 今年誕生了 DAY CAMPUS 一日既大自然校園可以學到專門技巧 以及 GROWTH Academy 成長學院 會提供2日1夜至5日4夜既成長課程 可以學習到獨立、正確價值觀、行為既糾正等等….


新一年,我哋會更努力專注課程研發投入更多新遊戲、新食譜、新環節到 WILDKIDs 的課程內容裡,為求把教育做到極緻,為求小朋友得到工藝品質素的教育體驗。


⭐️ SCUOLA 學校及教育機構支援 @scuola.hk


2022年裡 疫情下,學校逐漸回復正常,

今年我哋能為至少10間學校作長期合作及支援,

未來我哋會強化針對學生的發展範疇上既各項課題,

成為全港學校/教育機構的最強後盾。


⭐️ THE CEPT 發展


我哋喺2023年仍會努力不懈研發教育課程、課程系統、並對 THE CEPT 教育團隊每一位成員作培訓,亦會審視時勢研究發展不同界別既教育市場,無論小孩或成年人都有機會接觸 如工藝品般既體驗式教育,我哋不忘初心,致力把教育做好。


⭐️ THE CEPT 商標變化


2023年 THE CEPT 既商標會有微妙變化,我哋會以時間沙漏及種子作為商標,意味著教育係需要時間去發芽每一粒種子,內裡包含既主要成份係極大量既愛。


💗 感謝每一位支持我們的人


想喺度多謝支持我哋既每一個家庭、每一位孩子,

你哋既出現除咗導師教育你哋、我哋都喺每一位孩子身上學習到好多嘢,一直相信導師、教育者地位唔係超然,而係喺教育環境大家都係平等,平等、懂去用愛教育每位孩子,喺呢度我哋得到孩子既尊重、家長既尊重,教育係薪火相傳教育好每一位孩子直到長大成人,他日都會成為父母,而我哋積極培訓教育團隊也是因為我哋會變老,只能做好教育讓未來十年後廿年後既教育團隊也能夠有更高既教育水平去教育下一代。


多謝每一位家長既信任。


🙏🏻 除了感謝,還有致歉


感謝大家接受我哋既不完美,致歉係其實課程裡總有一啲做得唔夠好既地方,我哋已洞悉到問題所在並會把未來每一個課程做到最好,有不完美既地方我哋會努力改善做到最好,我哋繼續會以孩子既安全為最大依歸,教育者除咗教育就係對孩子義無反顧既保護。

3 次查看0 則留言

Comments


bottom of page